သင်ခန်းစာ ၁။ စီးပွားရေး၏ အဓိပ္ပါယ်နှင့် သဘောသဘာဝ
စီးပွားရေးဆိုတဲ့အသုံးအနှုံးမှာ (၁) ကုန်စည်နဲ့ ဝန်ဆောင်မှုတွေကို ရောင်းဝယ် ဖေါက်ကားတာ (၂) အသက်မွေး ဝမ်းကြောင်းအလုပ်အကိုင်နဲ့ (၃) စီးပွားရေးလုပ်ငန်းအဖွဲ့အစည်း တွေဆိုပြီး ရှု့ထောင့် ၃ မျိုးရှိပါတယ်။ ဒါကြောင့် စီးပွားရေး ဆိုတာ ကုန်စည်နဲ့ ဝန်ဆောင်မှုတွေကို ရောင်းဝယ် ဖေါက်ကားတဲ့လုပ်ဆောင်မှုတွေ၊ အသက်မွေးဝမ်းကြောင်း အလုပ်အကိုင်တွေ နဲ့ လုပ်ငန်းအဖွဲ့အစည်းတွေ ပေါင်းစည်းပြီး လူ့အဖွဲ့အစည်း အတွက်တန်ဖိုးရှိတဲ့ ကုန်ပစ္စည်း နဲ့ ၀န်ဆောင်မှုတွေကို ထုတ်လုပ်ဖြန့်ဖြူးတဲ့ စံနစ်တရပ်လို့ အဓိပ္ပါယ် ဖွင့်ဆိုနိုင်ပါတယ်။ ဒီလိုအချက်တွေနဲ့ ပြည့်စုံတဲ့ စံနစ်ကို စီးပွားရေး (Business) လို့ သုံးနှုံးသွားပါမယ်။ ဒီလိုအချက်တွေနဲ့ ပြည့်စုံတဲ့ စံနစ်တခုကို လည်ပတ်နေတဲ့ အဖွဲ့အစည်းကို စီးပွားရေး လုပ်ငန်း လို့ သုံးနှုံးသွားပါမယ်။ နေရာဒေသတခုအတွင်းမှာ လည်ပတ်နေတဲ့ စီးပွားရေးစံနစ်ရဲ့လုပ်ဆောင်ပုံအခြေအနေကိုတော့ Economy လို့ခေါ်ဆိုပါတယ်။
စီးပွားရေးလုပ်ငန်းတခုမှာ စီမံခန့်ခွဲမှု၊ လုပ်ငန်းလည်ပတ်မှု၊ ဈေးကွက်ရှာဖွေမှု၊ စာရင်းကိုင် နဲ့ ဘဏ္ဍာငွေရှာဖွေ ထိမ်းသိမ်းမှုစတဲ့ အဓိက လုပ်ဆောင်မှုတွေပါဝင်ပါတယ်။
စီးပွားရေးလုပ်ငန်းလုပ်ဆောင်မှုမှာ အဓိက ပါဝင်သူများ
စီးပွားရေးလုပ်ငန်းလုပ်ဆောင်မှုမှာ အဓိက ပါဝင်သူတွေကတော့ လုပ်ငန်းစတင်ဖို့အကြံဉာဏ်အပေါ်မှာ ရင်းနှီးမြုပ်နှံပြီး လိုအပ်တဲ့ သွင်းအားစုတွေကို စုစည်းတဲ့ ပိုင်ရှင်၊ လုပ်ငန်းရဲ့ ရည်ရွယ်ချက်တွေ ပေါက်မြောက်အောင်မြင်ဖို့ လုပ်ကိုင်ပေးတဲ့ အလုပ်သမားနဲ့ ရည်ရွယ်ချက်တွေ အကောင်အထည် ပေါ်ရေးအတွက် အလုပ်ရှင်နဲ့ အလုပ်သမားတွေမှီခိုနေရတဲ့ ဖေါက်သည်တွေပါဝင်ပါတယ်။ စီးပွားရေးလုပ်ငန်းလုပ်ဆောင်မှုမှာ ပါဝင်တဲ့ တခြားသူတွေကတော့ လုပ်ငန်း ရှင်သန်ဖို့အတွက်အရေးပါတဲ့ သွင်းအားစုနဲ့ ကုန်ကြမ်းတင်သွင်းသူတွေ၊ လုပ်ငန်းပြိုင်ဖက်တွေ၊ စီးပွားရေးလုပ်ငန်းကို အကျိုးတစုံတရာ သက်ရောက်နိုင်တဲ့ အပြုအမူတွေ ပြုလုပ်နိုင်သူတွေနဲ့ စီးပွားရေးလုပ်ငန်းရဲ့ လုပ်ဆောင်ချက်တွေက အကျိုးသက်ရောက်မှုကို ခံစားနေရတဲ့ သူတွေဖြစ်ပါတယ်။
စဥ်းစားဆွေးနွေးရန်အချက်။
စီးပွားရေးလုပ်ဆောင်ပုံစံနစ် (Business) နဲ့ ဒေသတခုရဲ့ စီးပွားရေးအခြေအနေ (Economy) တူညီချက်၊ ကွာခြားချက်တွေကို စဥ်းစားသုံးသပ်ပါ။
သင်ခန်းစာ ဗီဒီယိုကို ကြည့်ရှုပြီး သို့မဟုတ် သင်ခန်းစာကို ဖတ်ပြီး ပါက Complete သို့မဟုတ် Next ကိုနှိပ်ပြီး နောက်သင်ခန်းစာ၊ မေးခွန်းလွှာကို ကူးပြောင်းပါ။
Business နှင့် Economy နှစ်ခုစလုံးသည် social sciences (လူမှုရေးသိပ္ပံဘာသာရပ်) များဖြစ်ပါသည်။ Business ဆိုသည်မှာ စားသုံးသူများထံသို့ ကုန်စည်နှင့်ဝန်ဆောင်မှုများကို ရောင်းချပေးခြင်းဖြစ်ပြီး Economy ဆိုသည်မှာ နေရာဒေသတစ်ခုအတွင်း ထုတ်ကုန်ပစ္စည်း၏ ရောင်းလိုအားနှင့် ဝယ်လိုအားဖြစ်ပါသည်။
Economy ထဲမှာ business သဘောတရားတွေ အကျုံးဝင်နေပါတယ်။
စီးပွားရေးလုပ်ငန်း ( Business ) တွေဟာ Resources (Land, Labor, Capital) တွေနဲ့လည်ပတ်နေရပြီး သုံးစွဲသူတွေစိတ်ကျေနပ်မှုကိုဖြည့်ဆည်းပေးကာ မိမိတို့အတွက် ရောင်းအားတက်စေရန်၊ အမြတ်များစေရန်၊ သုံးစွဲသူတို့ ဝယ်လိုအားတက်စေရန် ဆောင်ရွက်ပေးပါသည်။ Economy သည် ထိုစီးပွားရေးလုပ်ငန်းများအခြေချလည်ပတ်နေသည့် အသိုက်အဝန်းဖြစ်ပြီး စီးပွားရေးလုပ်ငန်းနှင့်သက်ဆိုင်သည့် အပြောင်းအလဲများတည်ရှိရာ စနစ်များေပါင်းစုံနေသည်။